कैलालीको अत्तरियामा बसभित्र छिरेर चोरी गर्ने दुई युवकलाई रुखमा बाँधियो
पढ्न लाग्ने समय :
धनगढी: कैलालीको अत्तरियास्थित बसपार्कमा बसभित्र प्रवेश गरि चोरी गर्ने क्रममा दुई युवकलाई स्थानीयले नियन्त्रणमा लिएका छन्।
शुक्रवार बिहान बसभित्र पसेर चोरी गरिरहेको अवस्थामा बझाङ घर बताउने करन धामी र सुवाश बोहरालाई पक्राउ गरिएको प्रहरीले जनाएको छ।
इलाका प्रहरी कार्यालय मालाखेतीकाअनुसार दुवै जनालाई स्थानीयले नियन्त्रणमा लिएपछि पक्राउ गरिएको हो। उनीहरू मध्ये धामी भने पटक पटक चोरी मुद्दामा पक्राउ पर्दै आएका युवक हुन्। उनी तीन दिनअघि मात्रै छुुटेका थिए।
दुवै जनालाई इलाका प्रहरी कार्यालय, मालाखेतीमा राखेर अनुसन्धान भइरहेको प्रहरीले जनाएको छ। स्थानीयले उनीलाई रुखमा बाँधेका थिए।
