डडेल्धुरामा ट्याक्टर दुर्घटना, एककाे मृत्यु
पढ्न लाग्ने समय :
धनगढी : डडेल्धुरामा ट्याक्टर दुर्घटना हुँदा एक जनाकाे मृत्यु भएको छ। अन्य तीन जना घाइते भएका छन्।
आइतवार राति अजयमेरु गाउँपालिका-२ स्थित चमडा डडेल्धुरा पक्की खण्डमा सडक चमडाबाट डडेल्धुरातर्फ जाँदै गरेको सुदूरपश्चिम प्रदेश ५.०१००२त ७४२८ नम्बरको ट्याक्टर अनियन्त्रित भएर सडकबाट डेढ सय मिटर तल खसेर दुर्घटना भएकाे प्रहरीले जनाएको छ।
दुर्घटनामा कञ्चनपुरकाे कृष्णपुर नगरपालिका-२ बाणीका २० वर्षीय सन्दिप चौधरी घटनास्थलमै मृत्यु भएको हाे। दुर्घटनामा कृष्णपुरकै २० वर्षीय जोन चाैधरी, २३ वर्षीय उमेश राना र मुख र २० वर्षीय पुरन चौधरी घाइते छन्। उनीहरूकाे डडेल्धुरा अस्पतालमा उपचार भइरहेको छ।
