शिवगंगा नदीमा अवैध उत्खनन गर्ने डोजर प्रहरीको नियन्त्रणमा
पढ्न लाग्ने समय :
धनगढी : कैलालीको शिवगंगा नदीमा अवैध उत्खनन गर्ने डोजरलाई प्रहरीले नियन्त्रणमा लिएको छ।
प्रहरी टोलीले गौरीगंगा नगरपालिका क्षेत्रमा पर्ने शिवगंगा खोलामा अवैध रूपमा नदीजन्य वस्तु उत्खनन गरिरहेका २ वटा डोजर नियन्त्रणमा लिएको हो।
डोजरहरु आवश्यक कारबाहीका लागि गौरीगंगा नगरपालिका कार्यालयलाई बुझाइएको इलाका प्रहरी कार्यालय मालाखेतीले बताएको छ।
प्रहरीका अनुसार सो क्षेत्रमा इजाजत बिना वातावरणीय प्रभाव मूल्याङ्कन नगरिएको क्षेत्रमा अवैध रुपमा डोजर प्रयोग गरेर उत्खनन गरिरहेको अवस्थामा नियन्त्रणमा लिइएको हो।
गौरीगंगा नगरपालिका क्षेत्रका नदीहरुमा यस अगाडि पनि अवैध उत्खनन हुने गरेको छ। केही समय अगाडी मालाखेती प्रहरीले २ वटा टिप्पर र एक डोजर लाई कारबाही गरेको थियो।
