बैतडीमा ‘इभी हाइस’ दुर्घटनामा चालकको मृत्यु
पढ्न लाग्ने समय :
धनगढी : बैतडीमा ‘इभी हाइस’ दुर्घटना हुँदा चालकको मृत्यु भएको छ। जिल्लाको दोगडाकेदार गाउँपालिका–३ खोचलेकबाट कालागाउँतर्फ गइरहेको सुदूरपश्चिम प्रदेश ०२–००१ ज ०६२४ नम्बरको सो सवारी साधन सिल्लेगडा–बडिया सडकखण्डको घोडेधारनजिक गए राति दुर्घटनामा परेको हो।
सो सवारी साधनका चालक दोगडाकेदार–५ का गम्भीर घाइते भएका मदन ठगुन्नाको उपचारका क्रममा डडेल्धुरा अस्पतालमा मृत्यु भएको जिल्ला प्रहरी कार्यालयका प्रवक्ता बलदेव बडूले जानकारी दिए।
सो सवारीसाधनमा चालकमात्र सवार रहेका थिए। दुर्घटनाग्रस्त सो गाडी सडकबाट २५० मिटर तल खसेको छ। घटनाबारे थप अनुसन्धान भइरहेको जिल्ला प्रहरी कार्यालयले जनाएको छ।
