जन्ती बस दुर्घटना : आठ जनाकाे मृत्यु भएकाे पुष्टि
पढ्न लाग्ने समय :
धनगढी: बैतडीमा जन्ती बस दुर्घटना हुँदा आठ जनाकाे मृत्यु भएकाे पुष्टि भएकाे छ। बझाङ तर्फ जान लागेका उनीहरूकाे बस दुर्घटनामा मृत्यु भएकाे हाे।
बिहिवार राति ४५ जना सवार बस दुर्घटनामा आठ जनाकाे मृत्यु भएकाे बैतडी प्रहरीले बताएकाे छ।
बझाङकाे बिथडचिर गाउँपालिका-७ का ५० वर्षीय केशव राज जोशी, साेही ठाउँका १३ वर्षीय अशोक राज जोशी, ३५ वर्षीय बसन्त जोशी, ४१ वर्षीय विष्णु दत्त जोशी, ४२ वर्षीय नरेश राज जोशी, बझाङकाे केदारस्यु गाउँपालिकाका ६० वर्षीय मोहन देव भट्ट, जिल्लाकाे जयपृथ्वी नगरपालिका- ७ का ४० वर्षीय बसन्त राज रतला र बैतडीकाे पुर्चौडी नगरपालिका-७ का ४० वर्षीय पुष्पा अवस्थीकाे मृत्यु भएकाे प्रहरीले बताएकाे छ।
बसमा २७ जना पुरुष र १८ जना महिला सवार रहेका प्रहरीले बताएकाे छ।
