कैलालीको अत्तरियामा मोटरसाइकलले ठक्कर दिँदा साइकल यात्रीको मृत्यु
पढ्न लाग्ने समय :
धनगढी : कैलालीको अत्तरियामा मोटरसाइकलले ठक्कर दिँदा साइकल यात्रीको मृत्यु भएको छ।
बिहीबार ६ लेन सडक अन्तर्गत गोदावरी नगरपालिका– १ मनहरामा भएको दुर्घटनामा साइकलमा यात्रा गरिरहेका कञ्चनपुरको कृष्णपुर नगरपालिका– ७ का ४५ वर्षीय गोपाल रानाको मृत्यु भएको हो।
दुर्घटनामा गम्भीर घाइते भएका उनलाई उपचारका लागि सेतीमा प्रादेशिक अस्पताल धनगढीमा लगिएकोमा चिकित्सकले मृत घोषणा गरेको प्रदेश ट्राफिक प्रहरी कार्यालय अत्तरियाले जनाएको छ।
दुर्घटनामा सुदूरपश्चिम प्रदेश ०१०११ प ८५८५नम्बरको मोटरसाइकल चालक धनगढी उपमहानगरपालिका– ५ का २३ वर्षीय नब्लु राना र मोटरसाइकलको पछाडि सवार कृष्णपुर नगरपालिका– ६ का २३ वर्षीय मनुराज राना घाइते भएका छन्।
उनीहरूको निसर्ग अस्पताल धनगढीमा उपचार भइरहेको छ रोड क्रम गर्ने क्रममा धनगढीबाट अत्तरिया तर्फ जाँदै गरेको मोटरसाइकल ठक्कर दिँदा दुर्घटना भएको प्रहरीले बताएको छ।
