सुदूरपश्चिममा काँग्रेसले खटायो चुनावी कमाण्डर
पढ्न लाग्ने समय :
धनगढीः नेपाली काँग्रेसले सुदूरपश्चिमका ९ ओटै जिल्लामा चुनावी कमाण्डर तोकेको छ। काँग्रेसका उपसभापति विश्वप्रकाश शर्मा नेतृत्वको केन्द्रीय निर्वाचन परिचालन समितिले सबै ७७ जिल्लामा चुनावी कमाण्डर तोकेको हो।
सोही अनुसार सुदूरपश्चिमका ९ ओटै जिल्लाका लागि चुनावी कमाण्डर तोकिएको काँग्रेसले जनाएको छ।
काँग्रेसले बैतडी, दार्चुला र बझाङका लागि हिमबहादुर रावल, निपा चोख्याल र विद्यादेवी तिमिल्सिनालाई चुनावी कमाण्डर तोकेको छ। यस्तै कैलाली र डडेल्धुराका लागि जगतप्रसाद जोशी, सुनिता राना, डा। रणबहादुर रावल र नृपबहादुर वडलाई चुनावी कमाण्डर तोकेको छ।
यस्तै प्रदेशका डोटी, अछाम र बाजुराका लागि नरेन्द्र भट्ट,सम्झना खत्री र सुशीला मित्र भट्टलाई चुनावी कमाण्डर तोकेको काँग्रेसले जनाएको छ। नेताहरूले स्थलगत रूपमा पुगेर गरेको ब्रिफिङपछि प्रचार–प्रसारका क्रममा त्यस अनुसारको रणनीति बनाउने तयारी काँग्रेसको छ।
