बालेन शाहको सुदूर पहाडी जिल्लाकाे कार्यक्रम तालिका सार्वजनिक
पढ्न लाग्ने समय :
धनगढी: राष्ट्रिय स्वतन्त्र पार्टीका वरिष्ठ नेता बालेन शाह सुदूरपश्चिमका पहाडी जिल्लाहरूको भ्रमणमा निस्कने भएका छन्। मङ्गलवार कैलाली र कञ्चनपुरमा चुनावी भ्रमण गरेका उनले कुधवारदेखि विभिन्न पहाडी जिल्लामा पार्टी कार्यकर्ता तथा समर्थकहरूसँग भेटघाट गर्नेछन्।
बुधवार बिहान साढे ९ बजे डडेलधुराको तुफानडाँडास्थित राष्ट्रिय स्वतन्त्र पार्टी जिल्ला कार्यालयमा कार्यक्रम आयोजना हुनेछ। त्यसपछि दिउँसो १२ बजे बैतडीको पाटनस्थित पार्टी सम्पर्क कार्यालयमा सहभागी हुनेछन्। अपराह्न ४ बजे दार्चुलाको गोकुलेश्वरस्थित सम्पर्क कार्यालयमा कार्यक्रम तय गरिएको छ भने राति ८ बजे बझाङको बुङ्गलमा कार्यक्रम सम्पन्न गर्ने कार्यतालिका रहेको छ।
पार्टीका अनुसार मौसम तथा यात्राका कारण कार्यक्रम समय ३० देखि ४५ मिनेट अगाडि वा पछाडि हुन सक्ने जनाइएको छ।
