कैलालीको अत्तरिया बजारमा जताततै गाई–गोरु
पढ्न लाग्ने समय :
धनगढी : कैलालीको अत्तरिया बजारमा जताततै गाई–गोरु भएका छन्। गोदावरी नगरपालिका क्षेत्रका गौशालामा राखिएका गाई गोरु छोडिएपछि अहिले बजार भरी जताततै देख्न थालिएका हुन्।
गौशालामा गाई गोरु मर्न थालेको भन्दै स्थानीयले गाई गोरु गौशालाबाट बाहिर निकालेपछि अहिले अत्तरिया बजार आसपासका क्षेत्रमा जताततै देखिन थालेका छन्। सडकमा छाडा चौपाया आउँदा सवारी दुर्घटनाको जोखिम समेत बढेका छ। गोदावरी नगरपालिकाले चार महिना अघि गोदावरी नगरपालिका– ७ मा गौशाला निर्माण गरेपछि बजारमा छाडा चौपाया देखिन छोडेका थिए।
तर, नगरपालिकाले ५० चौपाया अटाउने क्षमताको निर्माण गरेको गौशालामा एक हजार बढी गाई गोरु राखिदा दैनिक जसो मर्न थालेका थिए। घाँस र पानीको पनि उचित व्यवस्थापन गर्न नसकेपछि स्थानीयले गौशालामा गाई गोरु तड्पिएर मर्न थालेको भन्दै बाहिर निकालेका हुन्।
