चुच्चेपाटी भाटभटेनीमा ६ वटा शव बरामद
पढ्न लाग्ने समय :
न्युज नेपाल समाचार
धनगढी, भदौ २९ गते । काठमाडौंको चुच्चेपाटीस्थित भाटभटेनीमा ६ वटा शव भेटिएका छन् । जलेको अवस्थामा ६ वटा मानव कंकाल भेटिएको जिल्ला प्रहरी परिसर काठमाडौंका एसएसपी विश्व अधिकारीले जानकारी दिए ।
कंकालका रुपमा भेटिएका शव चिन्न सकिने अवस्थामा छैनन् । डीएनएपछि मात्रै शवको पहिचान हुने एसएसपी अधिकारीले बताए । भदौ २३ गते जेनजी आन्दोलनका क्रममा प्रहरीको गोली लागेर काठमाडौं र बाहिर जिल्लामा गरी २१ जनाको मृत्यु भएपछि २४ गते आन्दोलन उग्र बनेको थियो । सोही क्रममा सरकारी, सार्वजनिक, र निजी व्यापारिक प्रतिष्ठानमा आक्रमण, तोडफोड र आगजनी गरिएको थियो ।
