त्रिभूवन अन्तरराष्ट्रिय विमानस्थल पुनः सञ्चालनमा
पढ्न लाग्ने समय :
न्युज नेपाल समाचार
धनगढी, भदौ २५ गते ।
काठमाडौंस्थित त्रिभूवन अन्तर्राष्ट्रिय विमानस्थल पुनः सन्चालमा आएको छ । विमानस्थल सुरक्षा समितिको बैठकले विमानस्थल सुचारु गर्ने निर्णय गरेको विमानस्थल नागरिक उड्डयन कार्यलयका प्रवक्ता ज्ञानेन्द्र भुलले जानकारी दिए । उनले विमानस्थलबाट अन्तराष्ट्रिय उडान नियमित सुचारु बताए ।
आन्तरिक उडानको हकमा भने निजी वायुसेवा कम्पनी र सम्बन्धित विमानस्थलको आवश्यकताअनुसार त्रिभूवन विमानस्थलबाट उडान गर्न सकिने उनको भनाई छ । उनले भैरहवा विमानस्थल बाहेक अन्य विमानस्थलमा उडान गर्न कुनै समस्या नभएको पनि बताए ।
हवाई उडानको लागि विमानस्थल आउने यात्रुहरुले आफ्नो वायुसेवा कम्पनीसँग सम्पर्क गरी उडानको समयको जानकारी लिएर मात्रै आउन आग्रह गरिएको छ । विमानस्थलमा जाने यात्रुहरुलाई हवाई टिकट र आफ्नो परिचय खुल्ने कागजात बोकेर जान पनि आग्रह गरिएको छ । त्रिभूवन विमानस्थलमा मंगलवारदेखी हवाई उडान प्रभावित भएको थियो ।
