लुटपाटमा संलग्नलाई पक्राउ गर्दै सुरक्षाकर्मी
पढ्न लाग्ने समय :
न्युज नेपाल समाचार
धनगढी, भदौ २५ गते ।
काठमाडौंको महाराजगञ्जस्थित भाटभटेनी सुपर मार्केट लुटपाट गर्नेमध्येका चार जना पक्राउ परेका छन् ।
मंगलबार रातीदेखि देशभर नेपाली सेना सहितको सुरक्षा फौज परिचालन भएपछि लुटपाट तथा अन्य अपराधिक गतिविधिमा संलग्न रहेकाहरुलाई नियन्त्रणमा लिने क्रम जारी छ । बुधबार बिहानदेखि विभिन्न ठाउँमा तोडफोड, तथा चोरी कार्यमा सलंग्न व्यक्तिहरुलाई धमाधम पक्राउ गर्ने क्रम जारी छ ।
डिल्लीबजार नारायणथान क्षेत्रमा शंकास्पद गतिविधिमा संलग्न व्यक्तिहरुले सुरक्षा फौजलाई देखेपछि रकम छोडेर भागेको बताइएको । सुरक्षा फौजले २ लाख ३२ हजार पाँच सय नेपाली रुपैयाँ र अमेरिकी डलर २ हजार ५ सय बरामद गरेको जनाइएको छ । त्यस्तै, मंगलबार सुरक्षाकर्मीबाट लुटिएका थप हतियार एक थान सहित हालसम्म ३२ थान हतियार बरामद भइसकेको छ ।
