मेयर बालेनद्वारा संयमित हुन आग्रह
पढ्न लाग्ने समय :
न्युज नेपाल समाचार
धनगढी, भदौ २४ गते ।
काठमाडौँ महानगरपालिकाका प्रमुख बालेन्द्र शाहले काठमाडौँ सहित देशभर भइरहेको प्रदर्शनमा सहभागीहरूलाई संयमित हुन आग्रह गरेका छन् ।
उनले सामाजिक सञ्जालमा एक वक्तव्य जारी गर्दै यो आन्दोलन जेनजीको भएको र प्रधानमन्त्री केपी शर्मा ओलीको राजीनामा आइसकेकोले संयमित हुन अपिल गरेका छन् ।
मेयर बालेनले देशको नेतृत्व अब जेनजीको पुस्ताले गर्नुपर्ने भन्दै यसका लागि तयार हुन पनि भनेका छन् । सबैलाई संयमित अपिल गर्दै उनले भनेका छन्– तपाईंको पुस्ताले नै देशको नेतृत्व गर्नु पर्ने भएकोले तयार रहनु होला ।
मेयर बालेनले नेपाली सेना प्रमुखसँग वार्ता गर्न पनि तयार हुनुपर्ने उल्लेख गर्दै तर वार्ता गर्नुअघि संसद् विघटन भएको हुनुपर्ने शर्त पनि राखेका छन् ।
