प्रदेश सरकारद्वारा कोशी प्रदेश पर्यटन वर्ष २०८२ को तयारी शुरु
पढ्न लाग्ने समय :
कोशी प्रदेश सरकारले कोशी प्रदेश पर्यटन वर्ष २०८२ को तयारी शुरु गरेको छ । बिहीवार सुनसरीमा कोशी प्रदेशका मुख्यमन्त्री हिक्मतकुमार कार्कीसहितको बैठक बसेको हो । बैठकमा कोशी प्रदेशले पर्यटन वर्षको रुपमा २०८२ सफल पार्ने बारेमा छलफल गरिएको छ ।
बैठकबारे जानकारी दिँदै कोशी प्रदेश सरकारका पर्यटन, वन तथा वातावरणमन्त्री षदानन्द मण्डलले कोशी प्रदेशले पर्यटन वर्ष २०८२ घोषणा गरेबमोजिम शुरुवात गरिएको बताउनु भयो । उहाँले प्रदेशका १४ जिल्लामै विभिन्न कार्यक्रमहरु गर्दै जाने र भारत र चीनका पर्यटक भित्र्याउने लक्ष्य राखेको बताउनु भयो । भारत—चीन—भूटान र बंगलादेशलाई केन्द्रित गरेर पर्यटन वर्ष २०८२ को तयारी शुरु गरेको बताउनु भयो । १७ लाख पर्यटक भित्र्याउने लक्ष्यअनुसार अघि बढेको बताउनु भयो ।
