रवि लामिछानेलाई ६५ लाख धरौटीमा छाड्न अदालतको आदेश
पढ्न लाग्ने समय :
कास्की जिल्ला अदालतले सूर्यदर्शन सहकारी ठगी प्रकरणमा रास्वपाका सभापति रवि लामिछानेलाई धरौटीमा रिहा गर्न आदेश दिएको छ । न्यायाधीश नीतिज राईको इजलासमा भएको थुनछेक बहसपछि अदालतले बिहीबार उहालाई धरौटीमा रिहा गर्न आदेश दिएको हो । पूर्वगृहमन्त्रीसमेत रहेका लामिछानेसँग अदालतले ६५ लाख रुपैयाँ धरौटी माग गरेको छ ।
न्यायाधीश राईको इजलासमा गत पुस १६ गतेदेखि उक्त मुद्दाका प्रतिवादीहरूको थुनछेक बहस चलेको थियो । अब अदालतले तोकेको धरौटी बुझाएर रिहा लामिछानेले तारेखमा रहेर मुद्दाको पुर्पक्ष गर्न सक्नेछन् । सूर्यदर्शन सहकारीमा बचतकर्ताको रकम अनियमितता भएको प्रकरणमा लामिछानेलाई प्रहरीले गत कात्तिक २ गते पार्टी केन्द्रीय कार्यालयबाट पक्राउ गरेको थियो । उहामाथि सहकारी ठगी, सम्पत्ति शुद्धीकरण र संगठित अपरोधको अभियोगमा मुद्दा दायर भएको छ ।
