साफ महिला च्याम्पियनसिपमा श्रीलंकालाई हराउँदै नेपाल समूह विजेता बन्न सफल
पढ्न लाग्ने समय :
साफ महिला च्याम्पियनसिप फुटबलमा समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६–० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १–१ गोल गरे । यस जितले नेपाल समूह विजेता पनि भएको छ ।
नेपाल र भुटानको समान ७–७ अंक भएपनि गोलअन्तरमा नेपालले १ गोलले अघि रहँदै समूह विजेता बनेको हो । अब सेमिफाइनल खेल आइतबार हुनेछ । पहिलो सेमिफाइनल दिउँसो साढे १ बजे बंगलादेश र भुटानबीच हुनेछ । दोस्रो सेमिफाइनलमा साँझ साढे ५ बजे नेपाल र भारत भिड्नेछन् ।
