फुटबल प्रशिक्षक हुमागाईंले प्राप्त गरे ‘फिफा-प्रो’ लाइसेन्स
पढ्न लाग्ने समय :
प्रदीप हुमागाईले विश्व फुटबल फिफाअन्तर्गत प्रशिक्षकले प्राप्त गर्ने ‘फिफा–प्रो’ लाइसेन्स प्राप्त गरेका छन् । योसँगै उनी उक्त लाइसेन्स प्राप्त गर्ने पहिलो नेपाली प्रशिक्षक बनेका छन् । प्रदीपले १६ महिनाको लामो अध्ययनपछि अर्जेन्टिनाबाट फिफा प्रो(लाइसेन्स प्राप्त गर्न सफल भएका हुन् । अमेरिकामा बसेर फुटबल प्रशिक्षणसँगै अध्ययनमा सक्रिय ४३ वर्षीय हुमागाईंले सन् २००९ बाट फुटबल प्रशिक्षकको रूपमा आफ्नो करियर सुरुवात गरेका थिए ।
१५ वर्षको लामो अध्ययन र विभिन्न क्लबमा प्रशिक्षणको जिम्मेवारी सम्हाल्दै उनले नेपालबाट एफसी ‘बी’ र ‘ए’ क्याटोगोरीको लाइसेन्ससमेत प्राप्त गरेका थिए ।
