दशैँ तिहार नजिकिएसँगै काठमाडौँमा चंगा देखिन थाल्यो,हेर्नुहोस् चंगा व्यापारको फोटो फिचर
पढ्न लाग्ने समय :
दशैँ तिहार नजिकिएसँगै काठमाडौँमा चंगा देखिन थालेको छ। काठमाडौँमा वर्षाका देवता इन्द्रलाई पानी पुग्यो अब नबर्साउनु भन्ने संदेश दिन चंगा उडाउने चलन बसेको भनिन्छ। यता आकाशमा रंगीबिरंगी चंगा उड्न थाले पछि दशैंको माहोल सुरु भएको पनि भनिन्छ । अहिले काठमाडौँ उपत्यकाका गल्लि चोक देखि ब्यापारी क्षेत्रमा चंगाको ब्यापार बढेको छ, पसलेलाई ग्राहकको माग पूरा गर्न हम्मेहम्मे परेको छ । अहिले कागजबाट बनेको चंगाभन्दा भारतबाट आएको रंगीविरंगी प्लास्टिकका चंंगाले स्थान ओगटेको छ । नेपालमै बनाइने चंगा महँगो भएकोले भारतीय बजारबाट ल्याइएको प्लास्टिकको चंगाप्रति उपभोक्ताको रोजाइ परेको बिक्रेताहरुले बताएका छन् ।
