खुला विश्वविद्यालयबाट ‘ल’ पास गरेकालाई अधिवक्ताको लाइसेन्स परीक्षामा समावेश गराउन सर्वोच्चको आदेश
पढ्न लाग्ने समय :
काठमाडौं । खुल्ला विश्वविद्यालयबाट कानूनमा तीनवर्षे स्नातक (एलएलबी) उत्तीर्ण गरेका विद्यार्थीले अधिवक्ताको लाइसेन्सका लागि बार काउन्सिलको परीक्षा दिन पाउने भएका छन् ।
काउन्सिलले २०७९ देखि नै खुल्ला विश्वविद्यालयबाट एलएलबी पास गरेका विद्यार्थीलाई लाइसेन्सको परीक्षामा रोक लगाउँदै आएको थियो ।
शुक्रबार सर्वोच्च अदालतको संवैधानिक इजलासले अन्तरिम आदेश जारी गर्दै विद्यार्थीहरुलाई परीक्षामा रोक नलगाउन बार काउन्सिललाई निर्देशन दिएको हो ।
सार्वोच्चको आदेशसँगै अब विद्यार्थीहरुले आगामी पुस १४ र १४ मा हुने अधिवक्ताको लाइसेन्स परीक्षामा सहभागी हुन पाउने भएका छन् ।
परीक्षाबाट बञ्चित हुँदै आएकी विद्यार्थी मनिषा गौतमले अदालतबाट आफूले न्याय पाएको खबरहबलाई प्रतिक्रिया दिइन् ।
