भारतबाट साइकलमा युरिया मल ल्याउँदै गरेका तीन नेपाली महिला भारतमै नियन्त्रणमा
पढ्न लाग्ने समय :
भारतबाट नेपालतर्फ साइकलमा युरिया मल ल्याइरहेका तीन जना नेपाली महिलालाई भारतीय सशस्त्र सीमा बल (एसएसबी) ले नियन्त्रणमा लिएको छ।
भारतीय सञ्चारमाध्यमका अनुसार उनीहरूलाई उत्तर प्रदेशको सम्पूर्णनगर (खीरी) क्षेत्रमा साइकलमा युरिया मल ल्याइरहेको अवस्थामा एसएसबीले मल र साइकलसहित नियन्त्रणमा लिएको हो।
नियन्त्रणमा लिइएका तीनै महिलालाई आवश्यक कानुनी कारबाहीका लागि पलिया भन्सार विभागमा बुझाइएको जनाइएको छ।
घटनामा संलग्न महिलाहरूको परिचय भने भारतीय अधिकारीहरूले सार्वजनिक गरेका छैनन्। घटनाबारे थप अनुसन्धान तथा आवश्यक प्रक्रिया अघि बढाइएको बताइएको छ।
