धनगढीमा गाँजासहित पाँच जना पक्राउ
पढ्न लाग्ने समय :
धनगढी : कैलालीको धनगढीबाट गाँजासहित पाँच जना पक्राउ परेका छन्। जिल्लाको धनगढी उपमहानगरपालिका वडा नम्बर १ टिकटक पुल क्षेत्रबाट उनीहरू पक्राउ परेका हुन्।
नेपाल प्रहरीले उनीहरूको साथबाट तीन ग्राम ६ सय मिलिग्राम चरेस र ३५ ग्राम हरियो गाँजा बरामद गरेको छ। धनगढी उपमहानगरपालिका वडा नम्बर ८ का ५६ वर्षीय शेरबहादुर चौधरी, धनगढी उपमहानगरपालिका वडा नम्बर १५ का ३० वर्षीय रामस्वरुप राना, कैलारी गाउँपालिका वडा नम्बर ५ का शिव चौधरी, कञ्चनपुरका २० वर्षीय रोशन राना तथा भारत लखिमपुर खिरीका २६ वर्षीय महोम दआसीप पक्राउ परेका हुन्। उनीहरूलाई जिल्ला प्रहरी कार्यालय, कैलालीबाट खटिएको प्रहरी टोलीले फक्राउ गरेको हो।
