कञ्चनपुरको भुडामा चोरीका घटना बढ्दै
पढ्न लाग्ने समय :
बेलौरी : पछिल्लो समय भारतसँग खुला सिमा जोडिएको बेलौरी नगरपालिका १० भुडा गाउँमा चोरीका घटना बढ्दै गएका छ्न ।
केहिदिन अघिमात्रै बाराझालाका जितलाल चौधरीको खेतबाट सिसौको रुख र भौराहन चोकको सडकमा लगाइएको सोलार चोरी भएको थियो । त्यस्तै बुधवार राती भुडा चौराह नजिक विनोद टेडर्स र भुन्टु राइस एण्ड फ्लोर मिलमा चोरी भएको छ ।
विनोद टेडर्सको सटरको ताला फुटाएर नगद १ हजार भन्दा बढी,चुरोट,रक्सी,गुट्का चोरी भएको प्रहरीले जनाएको छ । त्यस्तै भुन्टु राइस मिलबाट ताला फुटाएर खुद्रा पैसा चोरी भएको छ ।
स्थानीयले चोरी गर्ने भारतीय नागरिक भएको आशङ्का गरिरहेका छन । प्रहरीले भने घटनाको अनुसन्धान गरिरहेको छ ।
केहिदिन अघि खेतबाटै चोरी भएको सिसौ दुई गोलिया भने भारतीयले चोरी गरेको खुलेको छ । भारतीयले चोरी गरि नजिकैको आरामिलमा बेचेका थिए । आरामिलमा काठ बेचेको खुलेपछि पीडितले भने चोरिएको काठको रकम पाइसकेका छ्न । सोलार भने कस्ले चोरेको भन्ने खुलेको छैन ।
