बैंक तथा वित्तीय संस्थाहरुले कृषि क्षेत्रमा केन्द्रित भएर काम गर्नुपर्दछः उपप्रधानमन्त्री सिंह
पढ्न लाग्ने समय :
उपप्रधानमन्त्री तथा शहरी विकासमन्त्री प्रकाशमान सिंहले बैंक तथा वित्तीय संस्थाहरुलाई कृषि क्षेत्रको हितमा केन्द्रित भएर काम गर्न आग्रह गर्नुभएको छ । नेपाल वित्तीय संस्था कर्मचारी संघले शुक्रवार काठमाडौंमा आयोजना गरेको एक कार्यक्रममा बोल्दै उहाँले सो कुरा बताउनुभएको हो । उपप्रधानमन्त्री सिंहले कृषकहरु आर्थिक रुपमा अपm्ठ्यारो अवस्थामा रहेको उल्लेख गर्दै उनीहरुलाई सहज हुने खालको नीति तथा योजना अघि बढाउन कृषि विकास बैंक लगायतका संस्थाहरुलाई सचेत गराउनु भयो । नेपाल कृषि प्रदान देश भनेर चिनिएको स्मरण गराउँदै उहाँले कृषकको आर्थिक अवस्था कमजोर भएकाले उनीहरुको हितमा केन्द्रित भएर सम्बन्धित निकायहरुले काम गर्नुपर्ने पनि स्पष्ट पार्नुभयो ।
उहाँले भन्नुभयो, ‘नेपाललाई हामी कृषिप्रदान देश भनेर भन्छौं । कृषि प्रदान देशमा कृषकहरुलाई आर्थिक तवरले वित्तीय अवस्थालाई सुधार गर्नमा यो कृषि विकास बैंक लिमिटेडले धेरै ठूलो भुमिका निर्वाह गर्दै आइरहेको कुरा देशव्यापी रुपमा सबैलाई थाहा भएको कुरा हो । अहिले यो कृषि विकास बैंक जुन छ । खुला अर्थनीतिको पोलिसी २०४६ सालपछि अघि बढेपछि धेरै प्राईवेट बैंकहरु आईसकेका छन् । आफूले पनि समयलाई राम्रोसँग बुझेर, त्यसको मागलाई बुझेर कृषि र कृषकहरुलाई ध्यानमा केन्द्रित गरेर कृषि विकास बैंकले कसरी सहजीकरण गर्ने भन्ने कुरामा जोड दिनुपर्छ भन्ने कुरा तपाईहरुको गतिविधिबाट भईनै रहेको छ । अब त्यहाँका कर्मचारीहरु हितमा पनि लाग्नु पर्दछ भन्ने मलाई लागेको छ । कृषि विकास बैंकले खास गरेर सेवाग्राहीहरुलाई अलिसहज रुपमा सेवा प्रदान गरेर फाइनान्सियल रुपमा भईरहेको अपm्ठ्यारो फुकाउने गरी के लचिलो नीति अप्नाउने हो ? त्यस अनुसार अघि बढ्नुपर्छ भन्ने मलाई लागेको छ ।’
उपप्रधानमन्त्री सिंहले बैंक तथा वित्तीय संस्थाले संस्थाको उन्नति र प्रगतिका निम्ति पनि त्यहाँ कार्यरत कर्मचारीहरुको सेवा, सुविधा समयसापेक्ष बनाउन आवश्यक रहेको पनि बताउनु भयो ।
