प्रतिनिधिसभा निर्वाचन २०७९ : दुवै कम्युनिष्ट पार्टीका महासचिव पराजित
पढ्न लाग्ने समय :
काठमाडाैँ । कम्युनिष्ट पार्टीमा अध्यक्षपछि महासचिव पदलाई शक्तिशाली मानिन्छ । तर, प्रतिनिधिसभाको निर्वाचनमा कम्युनिष्ट घटकका ठुला दल नेकपा एमाले र नेकपा माओवादी केन्द्र दुवै पार्टीका महासचिवको बर्हिगमन भएको छ ।
एमालेका महासचिव शङ्कर पोखरेल माओवादी उम्मेदवार रेखा शर्मासँग पराजित भए भने माओवादीका महासचिव देवप्रसाद गुरुङलाई एमाले उम्मेदवार पृथ्वी सुब्बा गुरुङले पराजित गरे ।
माओवादीका उपमहासचिव पम्फा भुसाल र सचिव चक्रपाणि खनाल पनि यस निर्वाचनमा पराजित भइन् । यसैगरी एमालेका वरिष्ठ उपाध्यक्ष ईश्वर पोखरेल, उपाध्यक्ष सुरेन्द्र पाण्डे, उपमहासचिव प्रदीपकुमार ज्ञवाली र सचिव लेखराज भट्ट पनि पराजित भए । कांग्रेसका सहमहामन्त्री महालक्ष्मी उपाध्याय (डिना) निर्वाचनमा पराजित भए ।
