धनगढीमा दुइ युवकमाथि समूहिक आक्रमण
पढ्न लाग्ने समय :
धनगढी : कैलालीको धनगढीमा २ युवकमाथि समूहिक आक्रमण गरिएको छ। जिल्लाको धनगढी उपमहानगरपालिका–३ मिलनचोकस्थित रोड हाउस क्याफे नजिक दुई जना कुटपिटबाट घाइते भएका हुन्।
मंगलबार राति साढे ९ बजे धनगढी–३ का ३८ वर्षीय सन्तोष श्रेष्ठ र ३१ वर्षीय सानु श्रेष्ठमाथि ३/४ जना अपरिचित व्यक्तिको समूहले कुटपिट गरेको प्रहरीले जनाएको छ।
कुटपिटबाट दुवै जनाको टाउकोमा चोट लागेको छ। उनीहरूको मायामेट्रो अस्पताल, धनगढीमा उपचार भइरहेको प्रहरीले जनाएको छ। घटनामा संलग्न व्यक्तिहरू फरार रहेका छन्।
प्रहरी चौकी त्रिनगरबाट प्रहरी वरिष्ठ नायब निरीक्षक रामसिंह बोहराको कमाण्डमा खटिएको टोलीले फरार व्यक्तिहरूको खोजतलास तथा अनुसन्धान गरिरहेको छ।
