त्रिभूवन विमानस्थलको सेवामा सुधार ल्याउन पर्यटनमन्त्रीको निर्देशन
पढ्न लाग्ने समय :
संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले त्रिभूवन अन्तर्राष्ट्रिय विमानस्थलमा यात्रुहरुलाई दिने सेवामा थप सुधार गर्न मातहतका निकायलाई निर्देशन दिनुभएको छ । शुक्रवार बिहान एयरपोर्ट भएको उहाँले विमानस्थल व्यवस्थापन, नेपाल नागरिक उडडयन प्राधिकरण, निजी क्षेत्रका सेवा प्रदायक संस्था, सुरक्षाकर्मीलगायतका संवद्ध सबै पक्षसँग छलफल गरी सेवामा थप सुधार गर्न सचेत गराउनु हो । नेपालको पर्यटन क्षेत्रको विकासका लागि विमानस्थलमा आउने यात्रुहरु शक्तिशाली सन्देशबाहक भएको उल्लेख गर्दै मन्त्री पाण्डेले उनीहरुलाई थप सेवा दिने कुरामा कहीँकतै नचुक्न पनि संवद्ध पक्षलाई ध्यानाकर्षण गराउनु भयो । उहाँले उड्ने र गुड्ने दुवै सवारी साधनले चाडबाडका बेला एकतर्फी भाडामा काम गर्नुपर्ने मर्का आफूले बुझेको र त्यस्ता समस्या समाधानका उपायको खोजी गर्ने पनि बताउनु भयो । उहाँले यात्रुहरुलाई सेवा दिने कुरामा अब कुनै कमी नहुने विश्वास समेत व्यक्त गर्नुभयो । विमानस्थलमा हुने सेवामा भोलिदेखि नै थप सुधारका संकेतहरु देखिनुपर्ने मन्त्री पाण्डेको भनाई थियो ।
उहाँले भन्नुभयो,‘पर्यटक भनेको एउटा शक्तिशाली सन्देशवाहक हो । त्यसैले हामीले त्यो कुरा एयरपोर्टमा सुधार्दै गएको छौं । तर, थप सुधार गर्नुपर्नेछ । र, यो विषय परिस्थितिमा यात्रुहरुलाई सेवा दिने कुरामा तत्परता देखाउनु हुनेछ भन्ने ठान्दछु । एउटा महत्वपूर्ण तर्क र तपाईंहरुको मर्का पनि लाग्यो मलाई कि प्लेन एकातिरको मात्रै प्यासेन्जर बोेकेर गयो, तर खाली फर्किनु परेपछि उसको मर्का त बाहिर सुनिएको छ । तर त्यसरी गाडी पनि त दशैँको बेलामा एकतर्फी लिएर जानु पर्छ । फर्किंदा पनि खर्च जाँदाको पनि धान्नुपर्ने अवस्था छ भन्ने कुरा जायज छन् । यी कुराहरुलाई हामीले छलफलमा लिएर जाने, संसदमा लिएर जाने गर्नुपर्दछ । यसले यी समस्या समाधानका लागि आइडियाहरु पनि सिर्जना हुन्छ । संवेदनशीलता र त्यहाँको वास्तविकता पनि थाहा हुन्छ । आजको छलफल एकदमै उपयोगी भयो भन्ने लाग्छ । यसले आज भोलिबाट नै थप सुधारको संकेत देख्नेछौं । तर यो थप सुधार गर्ने कुरामा हामी सबै सहकार्य हुनेछ । सुरक्षा निकाय पनि जोडिनेछ । टिआईए पनि जोडिनेछ । क्यान पनि जोडिनेछ । एयरलाईन्सहरु, यातायात्र क्षेत्रका मजदुरहरु सबै जोडिएर हामी काम गर्नेछौं ।’
मन्त्री पाण्डेले सरकारले हवाई उड्डयनको क्षेत्रमा धेरै काम गर्नुपर्ने पनि बताउनु भयो ।
