चरेशसहित बझाङकी एक महिला पक्राउ
पढ्न लाग्ने समय :
धनगढीः कैलालीको धनगढीबाट चरेशसहित बझाङकी एक महिला पक्राउ परेकी छिन्।
बझाङको केदारस्युँ गउँपालिका घर भई हाल कैलालीको धनगढी उपमहानगरपालिका–१ एलएन चोकमा ३२ वर्षकी कुसला शाहीले सञ्चालन गरेको पदम सपिंङ कम्प्लेक्स भित्र रहेको समता क्याफेबाट २० ग्राम ६६० मिलिग्राम लागूऔषध चरेशसहित शाहीलाई शनिबार दिउँसो प्रहरीले पक्राउ गरेको हो।
वडा प्रहरी कार्यालय धनगढीबाट खटिएको प्रहरी टोलीले निजले सञ्चालन गरेको पसलमा खानतलासी गर्दा काउन्टर भित्र लुकाई छिपाई राखेको अवस्थामा उक्त पदार्थ फेला पारी निजलाई पक्राउ गरेको जनाएको छ।
