गैरजिम्मेवारपूर्ण गतिविधिले प्राप्त अधिकार गुम्ने खतरा हुन्छः उपप्रधानमन्त्री सिंह
पढ्न लाग्ने समय :
उपप्रधानमन्त्री एवं शहरी विकासमन्त्री प्रकाशमान सिंहले गैरजिम्मेवारपूर्ण गतिविधिले प्राप्त अधिकार गुम्ने खतरा रहेको बताउनुभएको छ । बिहीवार काठमाडौंमा आदिवासी जनजाति उत्थान राष्ट्रिय प्रतिष्ठानको स्थापना दिवसको अवसरमा आयोजित कार्यक्रममा बोल्दै उहाँले यस्तो बताउनुभएको हो । उहाँले आफ्नो अधिकार गुम्ने गतिविधि गर्न नहुनेतर्फ सचेत गर्नुभयो । उहाँले वर्तमान सरकार नेपाली काँग्रेस र नेकपा एमाले लगायतका राजनीतिक दलहरु मिलेर बनेको भन्दै जनताको अधिकारका लागि लडेका पार्टीहरुबाट जनताका अधिकार खोस्ने काम नहुने बताउनु भयो । उहाँले संविधान संशोधन गर्दा अधिकार कटौति गर्नेकुरा नहुने बताउनु भयो । उहाँले संविधान कार्यान्वयनमा भएका समस्याहरु हटाउन संविधान संशोधन हुने बताउनु भयो ।
उहाँले भन्नुभयो, ‘हामी गैरजिम्मेवारपूर्ण तरिकाले गतिविधि गर्न थाले भएको अधिकार पनि गुम्नसक्ने खतरा छ । त्यतातिर पनि अलिकति हामीले होस पु¥याउनुपर्छ । केही कदम चाल्दा, बोल्दा होस पु¥याउनुपर्छ । नेपाली काँग्रेस, नेकपा एमाले, लगायत अरु दलहरु मिलेर वर्तमान सरकार बनेको छ । यि दुई पार्टी त जनताको अधिकारको लागि लडेको, भिडेको हो । सबैले चिनेको पार्टी हो । जुन दलहरुले जनताको अधिकार लडेर दिलायो, अधिकार कटौती गर्नेकुरा काँग्रेस र एमालेले गर्न सक्ला ? संविधान संशोधनको कुरा त संविधानमा उल्लेखित अधिकारहरु छन्, त्यसलाई कार्यान्वयन गर्न केही बाधा छ भने सहजीकरण गर्न संशोधन गर्ने हो । अझ राम्रो गर्न संशोधन गर्ने हो । प्राप्त गरेका अधिकार कटौति होइन, प्राप्त अधिकार अझ राम्रोसँग सुचारु गर्न र कार्यान्वयन गर्न सहज हुनेगरी संशोधन हुने हो ।’उहाँले आउँदो दिनमा संविधानले दिएको अधिकार समान रुपले उपयोग गर्नेकुरामा अघि बढ्न जरुरी रहेको बताउनु भयो ।
