कैलाली–५ मा रास्वपाका उम्मेदवार चन्द दुई हजार चार सय ६९ मतसहित अग्रस्थानमा
पढ्न लाग्ने समय :
धनगढी : कैलालीको प्रतिनिधि सभा सदस्य निर्वाचन क्षेत्र नम्बर ५ अन्तर्गत भइरहेको मतगणनामा राष्ट्रिय स्वतन्त्र पार्टीका उम्मेदवार आनन्द बहादुर चन्द अग्रस्थानमा देखिएका छन्। हालसम्मको गणनाअनुसार चन्दले तीन हजार नौ सय ४४ मत प्राप्त गरेका छन्।
उनका निकटतम प्रतिस्पर्धी नेपाली काँग्रेस का उम्मेदवार नर नारायण शाहले एक हजार चार सय ७५ मत प्राप्त गरेका छन्।
त्यसैगरी नेकपा एमालेका उम्मेदवार यज्ञराज ढुंगानाले आठ सय ४६ मत पाएका छन् भने नेपाली कम्युनिस्ट पार्टीका उम्मेदवार प्रेम बहादुर आलेले सात सय ८७ मत प्राप्त गरेका छन्।
अन्य उम्मेदवारहरूमा राष्ट्रिय प्रजातन्त्र पार्टीका रोशन शाहीले २२३ मत पाएका छन्।
मुख्य निर्वाचन अधिकृतको कार्यालयका अनुसार हालसम्म सात हजार ९ सय १६ मत गणना भइसकेको छ। त्यसमध्ये सात हजार पाँच सय एक मत सदर र चार सय १५ मत बदर भएका छन्।
मतगणना अझै जारी रहेको छ। अन्तिम परिणाम आउन बाँकी रहेको छ। कैलालीको निर्वाचन क्षेत्र नम्बर ५ मा ६५ हजार नौ सय ६३ मत खसेको छ। यो क्षेत्रमा एक लाख १० हजार पाँच सय ३९ मतदाता रहेका छन्।
