कैलालीको वनमा निर्माण गरिएका संरचनामा वन कार्यालयको डोजर
पढ्न लाग्ने समय :
धनगढी : कैलालीका वनमा निर्माण गरिएका संरचनाहरूमा डिभिजन वन कार्यालयले डोजर चलाएको छ। जिल्लाको गोदावरी नगरपालिका– ४ गोदावरीमा भीमदत्त राजमार्ग क्षेत्र र वन अतिक्रमण गरी बनाईएका संरचनामा डिभिजन वन कार्यालय धनगढीले डोजर चलाएको हो । यसअघि पनि सो क्षेत्रका संरचनाहरूमा डोजर चलाएको डिभिजन वन कार्यालयले शुक्रवार बाँकी रहेका अन्य संरचनाहरुमा डोजर चलाएको हो ।
शुक्रवार गोदावरीको सालिनि बाटिका क्षेत्रमा रहेका संरचना र गोदावरी पुल आसपास रहेका संरचनाहरु भत्काईएको डिभिजन वन कार्यालय कैलालीले जनाएको छ । डिभिजन वन कार्यालय धनगढीका प्रमुख रामबिचारी ठाकुरले पटक पटक सचेत गराउँदा पनि नमानेपछि वन क्षेत्र अतिक्रमित गरी बनाईएका संरचनामा डोजर चलाईएको बताए ।
