कैलालीको गेटामा स्कुटर अनियन्त्रित हुँदा एकको मृत्यु
पढ्न लाग्ने समय :
धनगढी : कैलालीको गेटामा स्कुटर अनियन्त्रित हुँदा एक जनाको मृत्यु भएको छ। जिल्लाको गोदावरी नगरपालिका वडा नम्बर ५ गेटाको मनहरा पुल नजिक स्कुटर दुर्घटना हुँदा एक पुरुषको मृत्यु भएको हो।
नेपाल प्रहरीका अनुसार धनगढी–अत्तरिया ६ लेन सडकमा दुर्घटना हुँदा धनगढीका ओम प्रकाश मल्लको मृत्यु भएको छ। सुदूरपश्चिम प्रदेश ०१–०१२ प ८४०२ नम्बरको स्कुटर दुर्घटना हुँदा मल्लको मृत्यु भएको हो। धनगढी उपमहानगरपालिका वडा नम्बर ७ का ४५ वर्षीय मल्लको माया मेट्रो अस्पतालमा उपचारका क्रममा मृत्यु भएको प्रहरीले बताएको छ। घटनाको विषयमा अनुसन्धान जारी रहेको प्रहरीले बताएको छ।
