एमाले र राप्रपाद्वारा कोशीको प्रदेश सभा बहिष्कार, बैठक अनिश्चितकालका लागि स्थगित
पढ्न लाग्ने समय :
काठमाडौँ । नेकपा एमाले र राष्ट्रिय प्रजातन्त्र पार्टीले कोशी प्रदेश सभाको बैठक बहिष्कार गरेका छन् ।
बुधवार प्रदेश सभाको वैठक शुरु हुनासाथ एमाले र राप्रपाका सांसदहरुले भदौं ४ गते मुख्यमन्त्री उद्धव थापाले विश्वासको मत लिने क्रममा सभाको अध्यक्षता गरेका कांग्रेसका सांसद इस्राइल मन्सुरीले संबिधान विपरित मतदान गरेको भन्दै बैठक बहिष्कार गरेका हुन् ।
प्रतिपक्षका सबै सांसदले बैठक बहिष्कार गरेपछि सभाको अध्यक्षता गरेका मन्सुरीले बैठक अनिश्चितकालको लागि स्थगित भएको घोषणा गरेका छन् ।
सभाको अध्यक्षता गरेका मन्सुरीले गरेको मतदान असंबैधानिक भएको भन्दै एमालेले सर्वोच्च अदालतमा रिट दायर गर्ने बताएको छ ।
