आगजनीबाट क्षति भएको निजी क्षेत्रलाई सहयोग गर्छौ– प्रधानमन्त्री
पढ्न लाग्ने समय :
न्युज नेपाल समाचार
धनगढी, भदौ २९ गते । प्रधानमन्त्री सुशीला कार्कीले भदौ २४ गते सरकारी, सार्वजनिक तथा निजी क्षेत्रका सम्पत्ति र संरचनामा भएको आक्रमण र आगजनीबाट भएको क्षतिप्रति दुःख व्यक्त गरेकी छिन् । उनले आक्रमण र आगजनीमा क्षती बेहोरेको निजी क्षेत्रलाई अघि बढ्न राज्यले सहयोग गर्ने बताइन् ।
आइतबार पदभार ग्रहणपछि सरकारका सचिवहरुसँगको छलफलमा प्रधानमन्त्रीले निजी क्षेत्रमा भएको क्षतिको आँकलन गरी सफ्ट लोनदेखि अन्य सहयोग गर्न सरकार तयार हुने बताइन् । क्षतिका बाबजुद निजी क्षेत्रले अघि बढ्ने प्रण गरेकोमा प्रशंसा व्यक्त गर्दै प्रधानमन्त्री कार्कीले २४ गते भएको सार्वजनिक, सरकारी तथा निजी सम्पत्तिमाथिको आक्रमणको छानविन गरिने बताइन् ।
उनले अनाहकमा क्षती बेहोरेका व्यवसायीहरुलाई राज्यले त्यत्तिकै छाड्न नमिल्ने चर्चा गर्दै ठूलोे क्षति हुँदाहुँदै पनि आत्मबल देखाएमा व्यवसायीहरुलाई धन्यवाद व्यक्त गरिन् ।
