आन्दोलनका मृतकहरूको सम्झना दीप प्रज्वलन
पढ्न लाग्ने समय :
न्युज नेपाल समाचार
काठमाडौ, भदौ २९ गते । जेनजी आन्दोलनका क्रममा ज्यान गुमाउनेहरूको सम्झनामा नेपाल बार एशोसिएशनले आइतबार दीप प्रज्वलन गरेको छ ।
एशोसिएशनले कार्यालय परिसरमा दीप प्रज्वलन गरी श्रद्धाञ्जली तथा शोकसभा गरेको हो । शोकसभामा वरिष्ठ उपाध्यक्ष हरिशंकर निरौलाले प्रदर्शनका क्रममा मृतक भएकाप्रति श्रद्धाञ्जली अर्पण गर्दै शोकसन्तप्त परिवारजनप्रति समवेदना प्रकट गरे । श्रद्धाञ्जली सभापछि सञ्चारकर्मीहरूसँग कुरा गर्दै उनले आन्दोलनका क्रममा ज्यान गुमाएका सपनाहरू पूरा गर्न सबै लाग्नुपर्नेमा जोड दिए । उनले वर्तमान सरकारलाई आवश्यक परेको सुझाव लिइ देशलाई मध्यावधीमार्फत सही दिशामा अगाडि बढ्न जरुरी रहेको बताए ।
भ्रष्टाचार गरेकाजति सबैलाई मौजुदा कानूनको अधिनमा रही कारबाही गर्न समेत उनको माग छ ।
