हामीलाई कमजोर ठाने अर्को उथलपुथल हुन्छ : माधव नेपाल
पढ्न लाग्ने समय :
रौतहट । एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले आफूहरूलाई कसैले कमजोर ठान्ने कुचेष्टा गरे देशमा फेरी अर्को उथलपुथल गर्न बेर नलगाउने चेतावनी दिएका छन् ।
गृह जिल्ला रौतहटको गौर नगरपालिका–२ महादेवपट्टि स्थित लालबकैया नदिमा नवनिर्मित झोलुङ्गे पुलको उद्घाटन गर्नेक्रममा उनले आफू देशका ठूला हस्ती राजा विरेन्द्र देखी ज्ञानेन्द्र, गणेशमान देखि कृष्णप्रसाद भट्टराई, गिरजाप्रसाद कोइरालादेखि प्रचण्ड सम्मलाई सामना गरेर आएको नेता भएकाले कमजोर नठान्न चेतावनी दिए ।
अध्यक्ष नेपालले आफूहरूको आफ्नै स्वाभिमान, पहिचान, मूल्यमान्यता र महत्व रहेकाले हल्का रुपमा नलिन सुझाव दिए । वर्तमान चार दलीय सत्ता गठबन्धनलाई लक्षित गर्दै उनले आफूहरू कसैको दास नभएको र कसैको इसारामा चल्ने व्यक्ति नभएको उल्लेख गरे ।
उनले भने, ‘हाम्रो आफ्नै स्वाभिमान र महत्व छ, त्यसैले यो कुरा बुझियो भने ठिक छ नत्र सबै उल्टिन्छ र देशमा अर्को उथलपुथल हुन्छ ।’
