पाल्पामा जन्ती बोकेको जीप दुर्घटना हुँदा १०जना घाइते
पढ्न लाग्ने समय :
पाल्पा। पाल्पामा सवारी दुर्घटना परी १० जना घाइते भएका छन्। जसमध्ये एक जनाको अवस्था गम्भिर रहेको छ । पाल्पाको निस्दी–३, खाँदरमा जिप दुर्घटना हुँदा १० जना घाइते भएको प्रहरीले जनाएको छ।
शुक्रबार राति लु १ ज २५३५ नम्बरको जिप जन्ती लिएर निस्दी खाँदरबाट सहलकोटतर्फ जाने क्रममा सो दुर्घटना भएको हो।
भित्री कच्ची सडकमा दुर्घटना हुँदा जिपमा सवार १७ जनामध्ये १० जना घाइते हुन पुगेका थिए । घाइतेहरूको उपचारका लागि रामपुर अस्पतालमा पठाइएको छ।सो जीपका चालक फरार रहेकाले खोजी कार्य जारी राखिएको छ ।
