एसियन फर्मा स्युटिकल्स र नेशनल हेल्थ केयरद्वारा उत्पादित यी दुई औषधीको बिक्री-वितरणमा रोक
पढ्न लाग्ने समय :
काठमाडौं । औषधि व्यवस्था विभागले दुईवटा औषधिको बिक्री-वितरणमा रोक लगाएको छ। विभागका महानिर्देशक नारायणप्रसाद ढकालले राष्ट्रिय औषधि प्रयोगशालामा परीक्षण गर्दा न्यून गुणस्तर पाइएकाले दुई नेपाली कम्पनीले उत्पादन गरेको औषधि बजारबाट फिर्ता ल्याउन र बिक्री-वितरणमा रोक लगाएको जनाएका छन् ।
विभागले एक सुचना जारी गर्दै एसियन फर्मा स्युटिकल्स प्रालिद्वारा उत्पादित इन्सिेफ ड्राई सिरफ र नेशनल हेल्थ केयर प्रालीद्वारा उत्पादित ३० एमएलको सिरफ प्रोडक्सिम भि सी ५० नामक औषधिमा न्यून गुणस्तर पाइएको जनाएको छ ।
विभागले उक्त औषधीहरु औषधि ऐन, २०३५ को दफा १४ बमोजिम विक्रि वितरण रोक्का गरि बजारबाट तुरुन्त फिर्ता गर्न र सोको विवरण विभाग समक्ष पेश गर्न सम्बन्धित उद्योगलाई निर्देशन दिएको छ ।
