स्पेन पहिलो पटक महिला विश्वकपको फाइनलमा
पढ्न लाग्ने समय :
काठमाडौँ । स्पेन जारी महिला फुटबल विश्वकपको फाइनलमा पुगेको छ । मंगलबार सम्पन्न पहिलो सेमिफाइनल खेलमा स्पेनले स्विडेनलाई २-१ गोल अन्तरले पराजित गर्दै फाइनलमा पुगेको हो ।
स्पेनको जितमा सलमा सेलेस्ते आयिन्गोनो र ओल्गा कारमोनाले एक एक गोल गरेका थिए । त्यस्तै स्विडेनका लागि एक गोल रेबेका ब्लोमभिस्टले गरेकी थिइन् ।
योसँगै स्पने पहिलो पटक महिला विश्वकपको फाइनलमा पुगेको छ । अब फाइनलमा स्पेनले अस्ट्रेलिया र इङल्याण्डबीचको विजेतासँग खेल्ने छ ।
दोस्रो सेमिफाइनल खेल बुधबार अस्ट्रेलिया र इङल्याण्डबीच हुने छ ।
त्यसैगरी स्विडेन भने अब तेस्रो स्थानका लागि दोस्रो सेमिफाइनलमा पराजित देशसँग खेल्ने छ ।
