सुदूरपश्चिममा एमालेले १२ सिट जित्छः भट्ट
पढ्न लाग्ने समय :
धनगढीः नेकपा (एमाले) का उपमहासचिव लेखराज भट्टले नेकपा एमालले सुदूरपश्चिममा १२ सिटमा जित हासिल गर्ने बताएका छन्।
कैलाली–४ बाट प्रतिनिधि सभाका उम्मेदवार समेत रहेका भट्टले आइतबार अत्तरियामा क्षेत्रीय निर्वाचन सम्पर्क कार्यालयको उद्घाटनपछि पत्रकारसँग बोल्दै सुदूरपश्चिम प्रदेशमा १२ सिट जित्ने दाबी गरेका हुन्।
आगमी फागुन २१ मा हुने चुनावमा एमालेले सुदूरपश्चिममा जित्ने रणनीतिअनुसार चुनावी परिचालन गरेको भट्टले बताएका छन्। उनले १२ सिटमा ढुक्कसँग विजयी हासिल गर्ने बताएका हुन्। कैलाली–४ मा भने आफ्नो प्रतिस्पर्धा नेपाली काँग्रेससँगै हुने उनले बताएका छन्।
