रसुवाबाट दुई किलो सुनसहित दुईजना पक्राउ
पढ्न लाग्ने समय :
रसुवा । दुई किलो सुनसहित रसुवाबाट दुई जना पक्राउ परेका छन् । पक्राउ पर्नेमा सिन्धुपाल्चोकको भोटेकोशी गाउँपालिका ५ का सुदीप शेर्पा र भोटेकोशी गाउँपालिका १ का फुरसाङ्गु शेर्पा रहेका छन् ।
जिल्ला प्रहरीका कार्यालय रसुवाका प्रमुख डीएसपी सुवास बुढाथोकीका अनुसार उनीहरू शनिवार साँझ र आइतवार बिहान पक्राउ परेका हुन् ।
उनीहरू मध्ये सुदीपलाई शनिवार साँझ र उनको बयानका आधारमा फुरसाङ्गुलाई आइतबार बिहान पक्राउ गरिएको डीएसपी बुढाथोकीले जानकारी दिए ।
