बैतडीमा ४६ दशमलव ७८ प्रतिशत मत खस्याे
पढ्न लाग्ने समय :
बैतडी: बैतडीमा ४६.७८ प्रतिशत मत खसेको छ। प्रतिनिधि सभा सदस्यको निर्वाचनमा ४० हजार ५७२ महिला, ३२ हजार ५७५ पुरुष र अन्य एक जना गरि ७३ हजार १४८ मत खसेको हाे।
जिल्लमा अहिले कुल एक लाख ५६ हजार ३७२ मतदाता रहेका छन्।
२०७९ को प्रतिनिधि सभामा ५२ प्रतिशत मत खसेको थियो। २०७९ को निर्वाचनमा कुल १ लाख ५० हजार १५६ मतदाता रहेका थिए। अघिल्लो निर्वाचनमा ७८ हजार ३६९ मत खसेको थियो। यो पटक करिब छ हजार मतदाता बढे पनि मतदान भने कम भएको छ।
जिल्लाका अधिकांश मानि रोजगारीका लागि विदेश गएका गएको निर्वाचन भन्दा कम मतदान भएको आँकलन गरिएको छ ।
यो पटकको निर्वाचनमा जिल्लाका २१५ मतदान केन्द्र कायम भएका छन् । एक मात्रै सङ्घीय निर्वाचन क्षेत्र रहेको बैतडीमा यो पटक १० राजनीतिक दल र एक जना स्वतन्त्र गरि ११ जना उम्मेदवार चुनावी मैदानमा रहेका छन् । निर्वाचन शान्तिपूर्ण रुपमा सम्पन्न भएर मतपेटीका ढुवानीको काम सुरु भएको प्रमुख जिल्ला अधिकारी कृष्ण थापाले बताए।
यो पटकको निर्वाचनमा जिल्लाका २१५ मतदान केन्द्रमा प्रयोग भएका ४३८ वटा मतपेटीका विहीबारै ढुवानी हुन थालेका छन्। जिल्लामा १२९ वटा मतदान स्थलभित्र २१५ मतदान केन्द्र रहेका छन्।
