पहिरो खस्दा एक बृद्धा घाइते, १३ पशुचौपाया क्षती
पढ्न लाग्ने समय :
न्युज नेपाल समाचार
धनगढी, भदौ १६ गते ।
भारी वर्षासँगै खसेको पहिरोका कारण बैतडीको सुर्नया गाउँपालिका–२ चौपातामा एक जना बृद्धा घाइते भएकी छिन् । पहिरोका कारण गोठमा रहेका १३ पशुचौपाया मरेका छन् । आइतबार अपरान्ह खसेको पहिरोमा ९० वर्षीया गोदावरी चन्द गम्भीर घाइते भएकी छिन् ।
पहिरोका कारण स्थानीय गिरिस चन्दको दुईतले घर क्षतीग्रस्त भएको छ । जिल्ला प्रहरी कार्यालय, बैतडीका अनुसार पहिरोमा गम्भीर घाइते गोदावरीको डडेल्धुरा अस्पतालमा उपचार भइरहेको छ ।
पहिराका कारण घरगोठमा रहेका १३ पशु पुरिएर मरेका छन् । प्रहरीका अनुसार पहिरोमा पुरिएर चार गाई, एक गोरु, आठ वटा बाख्रा मरेका छन् । पहिरोका कारण अन्नपात, लत्ताकपडा, भाँडावर्तन सहितका धनमाल क्षती भएको छ । अविरल वषाका कारण अहिले पनि पहिरो बग्ने क्रम नरोकिएको प्रहरीले जनाएको छ ।
