नेपालको पहिलो एनिमेटेड फिल्म ‘सलीना’ को ट्रेलर सार्वजनिक
पढ्न लाग्ने समय :
काठमाडौं । नेपालको पहिलो एनिमेटेड फिल्म ‘सलीना’ को ट्रेलर सार्वजनिक गरिएको छ । सोमबार ओएसआर डिजिटल युट्युब च्यानलमार्फत फिल्मको ट्रेलर सार्वजनिक गरिएको हो ।
सलीना रेनमेकर एनिमेसन एकेडेमीले निर्माण गरेको फिल्म काल्पनिक कथामा बनेको छ। तेजसराज जोशीले निर्देशन गरेको फिल्ममा ग्राफिक कलाकार सगिन महर्जन, अविनाश सिंह थारु र शिरभा मानन्धर छन्।
नेपाली प्राविधिक र नेपाली भाषामा निर्माण गरिएको यो नेपालकै पहिलो एनिमेटेड फिचर फिल्म हो। यसमा पार्श्व आवाज बाहेक अन्य कुनै भौतिक पात्रको प्रयोग भएको छैन । यो फिल्म चैत १६ गतेदेखि प्रदर्शन हुनेछ।
