नेताहरुले नैतिक चरित्र पुनःस्थापित गरौँः मन्त्री पाण्डे
पढ्न लाग्ने समय :
संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले राजनीतक दलका नेताहरुले नैतिक चरित्र पुनःस्थापित गर्नुपर्ने बताउनुभएको छ । काठमाडौंमा शनिवार आयोजित मेटेरियल एण्ड कल्चरल एडभान्समेन्ट दी प्याक्टिस अफ चाइना कार्यक्रमलाई सम्बोधन गर्दै उहाँले यस्तो बताउनुभएको हो । उहाँले चीनका राष्ट्रपति सि जिन पिङले अघि सार्नुभएको नैतिकताको विचारलाई वर्तमान सन्दर्भमा नेपालका राजनीतिक दलका नेताहरुले अनुशरण गर्नुपर्ने बताउनु भयो । उहाँले भौतिक विकासले मात्रै आत्मसन्तुष्टि दिन नसक्ने भएकाले आत्मिक विकासका लागि पूर्वीय दर्शनले निर्देश गरेको बताउनु भयो ।
उहाँले भन्नुभयो, ‘आज दुनियाँले मानव सभ्यताले भौतिक विकास त ग¥यो नै तर भौतिक विकासबाट सन्तुष्ट छैन मानव ।मानवले आत्मिक विकास, आत्मसन्तुष्टिको विषय जुन हाम्रो दर्शनले हामीलाई निर्देशित गरेको कुरा हो । परोपकार पुण्याय, वसुधैव कुटुम्वकम यो हाम्रो संस्कृतिको महत्वपूर्ण पुँजी हो, सम्पती हो । हामी नेपालीले कम्युनिष्ट पार्टीका महासचिव सि जिनपिङले जुन विचार अगाडि सार्नुभएको छ हामी हाम्रा राजनीतक दलहरुले पनि यो विचारलाई जनस्तरमा पु¥याउनु पर्नेछ । हामी राजनीतिक दल र दलका मानिसहरुले उच्च नैतिक चरित्र राजनीतिमा पुनःस्थापित गर्नुपर्ने छ । हामीले केवल मिठो मसिनो खाना नरम र तातो नाना मात्रै होइन मन भित्रको शान्ति मन भित्रको आत्मसन्तोष यसलाई पनि अभिवृद्धि गर्नुपर्ने छ । त्यो भनेकै मेटरियल र कल्चरल कुरासँग इथिक्स जोडिएको छ भन्ने लाग्छ ।’
मन्त्री पाण्डेले नेपाल र चीनबीच संस्कृतिका राम्रा पक्षहरुको आदानप्रदान गर्नुपर्नेमा जोड दिनुभयो । उहाँले असल नैतिक चरित्र निर्माण गर्नसके नेपालले आफ्नै खुट्टामा उभिएर उज्वल भविष्य निर्माण गर्न सकिने बताउनु भयो ।
