धनगढीमा तस्करीको डिजेलसहित भारतीय नागरिक पक्राउ
पढ्न लाग्ने समय :
धनगढी : कैलालीको धनगढीबाट तस्करीको डिजेलसहित भारतीय नागरिक पक्राउ परेका छन्।
जिल्लाको धनगढी उपमहानगरपालिका–१९ खेदाघाटबाट भन्सार छली गरी भारतबाट ल्याइएको डिजेलसहित भारतीय नागरिकलाई पक्राउ गरिएको प्रहरीले जनाएको छ ।
पक्राउ पर्नेमा भारतको सुडा बस्ने ३५ वर्षीय उमेश गुप्ता रहेका छन्। जिल्ला प्रहरी कार्यालय कैलालीबाट खटिएको प्रहरी टोलीले बिहीबार साँझ अन्दाजी मूल्य २ लाख ५८ हजार ८ सय रुपैयाँ बराबरको डिजेल र मोटरसाइकलसहित उनलाई नियन्त्रणमा लिएको हो।
प्रहरीले बरामद सामानसहित थप अनुसन्धान अघि बढाएको जनाएको छ।
