झिलिमिलि बत्तीहरुको बिक्रीमा बृद्धि भएसँगै अर्थतन्त्रमा सकारात्मक प्रभाव
पढ्न लाग्ने समय :
न्युज नेपाल समाचार तिहारले मुलुकको अर्थतन्त्र चलायमान बनाएको छ । व्यवसायीहरुका अनुसार झिलिमिलि बत्तीहरुको बिक्रीमा बृद्धि भएसँगै अर्थतन्त्रमा सकारात्मक प्रभाव परिरहेको छ । व्यवसायीहरुले यस पालीको तिहारमा करिव ४० करोड रुपैयाँ बराबरको झिलिमिली बत्तीको कारोबार हुने अपेक्षा गरेका छन् ।
नेपाल विद्युत्तीय व्यवसायी महासंघका अध्यक्ष रेशमप्रसाद देवकोटाले यस वर्षको तिहारमा पनि बत्तीको कारोबार राम्रै देखिएको बताउनु भयो । तिहार सकिने बित्तीकै छठ पर्व शुरू हुने भएकाले झिलिमिलि बत्तीको कारोबार बढ्ने उहाको भनाई छ ।अध्यक्ष सापकोटले हाल बजारमा माग अनुसार पर्याप्त सामान उपलब्ध रहेको जानकारी दिनुभयो ।
काठमाडौं विद्युत व्यवसायी संघका अध्यक्ष मिलन शिवाकोटीले विगतका वर्षको तुलनामा यो वर्ष झिलिमिली बत्तिको बिक्री सन्तोषजनक नरहेको बताउनुभयो । उहाँका अनुसार निर्माण कार्यमा आएको सुस्ती र देशको राजनीतिक अनिश्चितताले बजारमा नकारात्मक असर पारेको छ । उहाँले आर्थिक वर्ष २०७६÷७७ सालदेखि सुरु भएको घट्दो व्यापार अहिलेसम्म आइपुग्दा करिव १५ देखि २० प्रतिशतले घटेको बताउनु भयो । समग्रमा अहिलेको बजारमा व्यापार घट्दो भएपनि प्रविधिमा आधारित नयाँ उत्पादनहरूप्रति ग्राहकहरूको चासो बढ्दो रहेको र व्यवसायीहरूका लागि पनि चुनौती र अवसर रहेको उहाँको धारणा छ ।
