छन्द-तरङ्गको छैटौं वार्षिकोत्सव
पढ्न लाग्ने समय :
छन्द–तरङ्ग, काठमाडौँले आफ्नो छैटौँ वार्षिकोत्सवका अवसरमा हरेक वर्ष प्रदान गर्दै आएको छन्दसाधना पुरस्कार यस वर्ष दुई जना छन्दसाधक कविहरू गोविन्दराज विनोदी र रूपक अलङ्कारलाई प्रदान गरेको छ। कविद्वय प्रा.डा. रामप्रसाद ज्ञवाली र प्रा.डा.देवी नेपालको संयोजनमा २०७५ बाट सञ्चालित छन्द(तरङ्गले २०७६ देखि हरेक वर्ष विशिष्ट छन्दसाधना पुरस्कार प्रदान गर्दै आएकोमा २०७९ सालदेखि छन्दसाधना युवा प्रतिभा पुरस्कारसमेत थप गरी एकजना वरिष्ठ कवि र एक जना युवाकविलाई पुरस्कृत गर्ने गरेको छ।
काठमाडौँमा आयोजित एक विशेष समारोहमा प्रमुख अतिथि वरिष्ठ इतिहासविद् तथा नेपाल प्रज्ञा(प्रतिष्ठानका पूर्व प्राज्ञ परिषद् सदस्य प्रा. दिनेशराज पन्त, विशिष्ट अतिथि प्रा। मोहन सिटौला र अक्षयकोष संस्थापकमध्येकी ज्येष्ठ सदस्य नेत्रकला ज्ञवालीले दुई पुस्ताका कविहरू विनोदी र अलङ्कारलाई उक्त पुरस्कार प्रदान गरेका थिए।
प्रमुख अतिथि प्रा. पन्त र विशिष्ट अतिथि प्रा. सङ्ग्रौलाले जोरपानसमा बत्ती बालेर संयुक्त रूपमा उद्घाटन गरेको उक्त कार्यक्रममा प्रमुख अतिथि प्राज्ञ पन्तले छन्दसाधक द्वय विनोदी र अलङ्कारले नेपाली छन्दकविताको उन्नयनमा खेलेको भूमिकालाई उच्च मूल्याङ्कन गरी पुरस्कार प्रदान गरिएकामा खुसी व्यक्त गरे।
