कैलालीमा सशस्त्रको तालिमको दौडमा आठ जना बेहोस
पढ्न लाग्ने समय :
धनगढी : कैलालीमा सशस्त्र प्रहरीका आठ जना तालिमरत जवान बेहोस् भएका छन्।
राजश्व भन्सार तथा औद्योगिक तालिम केन्द्र टीकापुरमा तालिमरत आठ जना सशस्त्रका जवान शुक्रवार बिहान दौड्ने क्रममा बेहोस् भएको प्रहरीले जनाएको छ ।
इलाका प्रहरी कार्यालय टीकापुरका प्रमुख प्रहरी नायब उपरीक्षक(डीएसपी) प्रकाश डाँगीले बिहान ९ बजेतिर उनीहरु बेहोस् भएको जानकारी दिए । उनकाअनुुसार बेहोस् हुनेमा तालिमरत जवान बलबहादुर बस्नेत, गणेश रावत, मनबहादुर बस्नेत, चिनबहादुर थामी, किरननाथ योगी, धिरज थापा, सुरेश शाही र भूपेन्द्र बस्नेत रहेका छन् ।
उनीहरुलाई तत्काल टीकापुर अस्पताल लगेर अक्सिजन दिइएको थियो भने नेपाली सेनाको हेलीकोप्टरमार्फत काठमाडौँ लगिएको छ। उनीहरुलाई अहिले हेलीकोप्टरमार्फत सुर्खेत ओसारिरहेको छ । त्यहाँबाट स्काई ट्रकमार्फत उनीहरुलाई काठमाडौँ लगिने प्रहरीले जनाएको छ ।
