कंगोमा तत्काल युद्धविराम गर्न अफ्रिकी नेताहरूको आह्वान
पढ्न लाग्ने समय :
अफ्रिकी नेताहरूले पूर्वी लोकतान्त्रिक गणतन्त्र कंगोमा तत्काल युद्धविरामको लागि आह्वान गरेका छन् । चलिरहेको द्वन्द्वको स्थायी समाधान खोज्न आफ्नो पूर्ण समर्थन गरेका छन् । क्षेत्रीय नेताहरूले कंगोमा तत्काल युद्धविराम र आपूर्ति लाइनहरूको पुनस्र्थापनाको लागि आह्वान गर्नुभयो । मार्च २३ आन्दोलन उत्तरी किभु प्रान्तको राजधानी र एक प्रमुख क्षेत्रीय केन्द्र गोमामा आफ्नो तथाकथित प्रशासन स्थापना गरेपछि दक्षिण किभु प्रान्तको राजधानी बुकाभु तर्फ अगाडि बढिरहेको बताइएको छ ।
परिस्थितिको जरुरीतालाई बुझ्दै शिखर सम्मेलनमा सहभागी नेताहरूले रक्षा बलका प्रमुखहरूलाई तत्काल र बिना शर्त युद्धविराम लागू गर्न प्राविधिक उपायहरू तय गर्न पाँच दिन भित्र भेट्न निर्देशन दिएका छन् । नेताहरूले मानवीय आपूर्ति लाइनहरू पुनस्र्थापित गर्न ट्राफिक मार्गहरू पुनः खोल्न आग्रह गरेका छन् ।
