गौरीफन्टा सीमा नाकाबाट नाबालिकालाई भारत लैजाने युवक प्रक्राउ
पढ्न लाग्ने समय :
धनगढी : कैलालीको गौरीफन्टा नाकाबाट प्रहरीले नाबालिकालाई भारततिर लगिरहेको अवस्थामा एक युवकलाई पक्राउ गरेको छ ।
शुक्रबार गौरीफन्टा नाकाबाट बाजुराको बडिमालिका नगरपालिका–७ बस्ने २८ वर्षीय रामबहादुर विकलाई पक्राउ गरिएको प्रहरीले जनाएको छ । जिल्ला प्रहरी कार्यालय, कैलालीका अनुसार विकलाई १५ वर्षीया नाबालिकालाई भारततिर लगिरहेको अवस्थामा नियन्त्रणमा लिइएको हो।
विकलाई जिप्रकाको हिरासतमा राखिएको छ भने नाबालिकालाई माइती नेपालको संरक्षणमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
